کراچی،دفاعی نمائش آئیڈیاز2016 کا آغاز،وزیر اعظم پاکستان میاں نواز شریف نے افتتاح کیا
شیعہ نیوز ( پاکستانی شیعہ خبر رساں ادارہ )وزیراعظم پاکستان میاں نواز شریف نے ایکسپو سینٹر کراچی میں بین الاقوامی دفاعی نمائش آئیڈیاز 2016 کا افتتاح کردیا۔اس موقع پر اعلیٰ فوجی و سول حکام سمیت دیگر وفاقی وزراء بھی موجود تھے۔
زرائع کے مطابق کراچی کے ایکسپو سینٹر میں دفاعی نمائش آئیڈیاز 2016 کا باقاعدہ افتتاح وزیراعظم نواز شریف نے کیا اس موقع پر آرمی چیف جنرل راحیل شریف سمیت تینوں مسلح افواج كے سربراہان، چیئرمین جوائنٹ چیف آف اسٹاف كمیٹی، وزیر دفاع، وفاقی وزیر دفاعی پیداوار سمیت دیگر وفاقی وزراء بھی موجود تھے۔دفاعی نمائش 4 روز تک جاری رہے گی جس میں 43 ممالک كکے 90 وفود شرکت کررہے ہیں اور ان میں سے 30 مندوبین اعلیٰ سطح كکے ہیں جن كکی سربراہی ان ملکوں کے وزیر دفاع، ڈیفنس سیکریٹریز، چیف ڈیفنس اسٹاف یا حاضر چیفس کررہے ہیں، مجموعی طور پر 261 غیرملکی اور 157 پاکستانی کمپنیاں شریک ہیں، جبکہ 34 ممالک کی ك418 كکمپنیاں نمائش میں اپنی مصنوعات پیش کر رہی ہیں۔
دوسری جانب دفاعی نمائش کا سیکیورٹی پلان ترتیب دے دیا گیا ہے جس کے مطابق 2 ایس پیز، 4 ڈی ایس پیز سمیت 2 ہزار پولیس اہلکار سیکیورٹی پر تعینات ہیں، سوک سینٹر کے اطراف سڑکیں ٹریفک کے لئے بند کردی گئی ہیں جب کہ شہریوں کو متبادل راستے اختیار کرنے کی بھی ہدایت کی گئی ہے۔ انتظامیہ کے مطابق یونیورسٹی روڈ کو ٹریفک کے لیے بند نہیں کیا گیا ہے۔
