تلور کا غیرقانونی شکار کرتے قطری شہزادوں نے کاشتکاروں کی فصلیں تباہ کر دیں

شیعہ نیوز ( پاکستانی شیعہ خبر رساں ادارہ ) قطری شہزادوں نے چوک سرور شہید کے نواحی علاقوں میں تلور کا غیر قانونی شکار کیا، ذرائع کے مطابق 7 سے 8 تلور کا شکار کیا گیا، قطری شہزادوں کی 15 گاڑیوں اور ایلیٹ فورس کی گاڑیوں نے کاشتکاروں کی فصلیں تباہ کر دیں۔ چند دن قبل بھی قطری شہزادوں نے چوک سرور شہید کے نواحی علاقوں میں تلور کا شکار کیا تھا اور کاشتکاروں کی فصلیں تباہ کر دیں تھیں، جس کا کوئی معاوضہ حکومت کی طرف سے نہیں ملا۔ قطری شہزادوں کی اٹھارہ گاڑیوں نے اس علاقے کی فصلیں اجاڑ دیں۔ جس پر اہل علاقہ نے شدید احتجاج کرتے ہوئے وزیراعلی پنجاب شہباز شریف سے نوٹس لینے کا مطالبہ کیا ہے۔