کراچی، وحدت یوتھ کے تحت تین روزہ ورکشاپ کا اعلان

شیعہ نیوز (پاکستانی شیعہ خبر رساں ادارہ) وحدت یوتھ کے زیر اہتمام ۲۱ تا ۲۳ جولائی کراچی میں ورکشاپ کا انعقاد کیا جائے گا جس میں اخلاقی، تنظیمی اور سیاسی موضوعات پر جوانوں کی تربیت کی جائے گی۔

وحدت یوتھ کراچی کے سیکٹری اطلاعات حمزہ جامی نے شیعہ نیوز سے گفتگو کرتے ہوئے بتایا کہ وحدت یوتھ صوبہ سندھ کے تحت ذمہ داران کی اخلاقی، تنظیمی اور سیاسی تربیت کے لیے ورکشپ بعنوان ’’معرفت امام زمانہ عج‘‘ ۲۱ تا ۲۳ جولائی کراچی میں منعقد کی جارہی ہے۔ ورکشاپ میں مختلف موضوعات پر علماء کرام اور ماہر اساتذہ جوانوں کی تربیت کریں گے۔

ان کا مزید کہنا تھا کہ ورکشاپ میں صوبہ سندھ کے تمام اضلاع سے ذمہ داران شرکت کریں گے جبکہ کراچی ڈویژن ورکشاپ کی میزبانی کے فرائض انجام دے گا۔ ورکشاپ جوانوں کی تربیت اور کارکردگی بہتر بنانے میں اہم سنگ میل ثابت ہوگی۔