دہشت گردوں کے مقابلے میں شامی فوج کی پیش قدمی

شامی فوج نے دیرالزور میں دہشت گردوں کے مقابلے میں پیش قدمی کا سلسلہ جاری رکھتے ہوئے حویجہ صکر نامی علاقے کو دہشت گردوں کے قبضے سے آزاد کرا لیا ہے۔

فارس خبر رساں ایجنسی کی رپورٹ کے مطابق شامی فوج نے دیرالزور کے شمال مشرق میں تین طرف سے دہشت گردوں کے خلاف کارروائی کی اور تکفیری دہشت گردوں کے مقابلے میں کامیابی حاصل کی۔شامی فوج نے اسی طرح خشام کے علاقے میں داعش دہشت گردوں کے ٹھکانوں کو تباہ کر دیا۔دوسری جانب شام کی فضائیہ اور توپ خانے نے شہر دیرالزور میں الحمیدیہ، العرضی، الجبیلہ، اور کنامات کے علاقوں کو نشانہ بنایا اور دہشت گردوں کو خاصا نقصان پہنچایا۔