پنجگرائیں وبھیرہ میں چہلم امام حسین ؑ عقیدت سے منایاگیا

شیعہ نیوز(پاکستانی خبر رساں ادارہ)پنجگرائیں اور بھیرہ میں چہلم حضرت امام حسین ؑ عقیدت واحترام سے منایاگیا ۔علم کا جلوس سیدزوار حسین کے گھرسے صبح 8 بجے برآمدہوا جو روایتی راستوں سے ہوتا ہوا دن 1بجے امام بارگاہ قصرابوطالبؑ پہنچا ۔جلوس کے شرکاء تمام راستے ماتم داری اور نوحہ خوانی کرتے رہے ۔نمازجمعہ کے بعد مجلس اعزامنعقد ہوئی جس سے ذاکرین نے امام حسینؑ کی شہادت پرخراج تحسین پیش کیا۔ بھیرہ میں مرکزی مجلس عزا علی پور سیداں کے مقبرہ زینب میں انتہائی عقیدت و احترام سے ادا کی گئی جسکے بعد ماتمی جلوس روایتی راستوں سے ہوتے ہوئے اختتام پذیر ہوئے ۔سکیورٹی کے سخت انتظامات کئے گئے تھے ۔