شیخوپورہ:چہلم امام حسین ؑ کا جلوس ،ٹریفک کا ناکس نظام

شیعہ نیوز(پاکستانی خبر رساں ادارہ)شیخوپورہ:حضرت امام حسین ؑ کے چہلم کے سلسلہ میں مرکزی جلوس کو فول پروف سکیورٹی دینے کیلئے لاہور ،سرگودھا روڈ کی ٹریفک کو تو بلاک کردیا گیا مگر ٹریفک کی روانی کیلئے ٹریفک پولیس اور انتظامیہ نے کوئی متبادل انتظام نہ کیا جبکہ دوسری طرف آج کل مونجی کی فصل کی وجہ سے جکارتہ روڈ ،ریلوے روڈ پر ٹریکٹر ٹرالیوں کے بے ہنگم ہونے کی وجہ سے ہر وقت ٹریفک بلاک رہتی ہے ،بھکھی روڈ چوک میں تو شہری ٹریفک پولیس کے ناقص انتظامات کی وجہ سے سراپا احتجاج بن گئے ، بتایا گیا ہے کہ حضرت امام حسینؑ کے چہلم کے سلسلہ میں مقررہ راستوں کو سیل کرنے کا پلان بنایا گیا جس میں لاہور سرگودھا روڈ بھی شامل تھا مگر لاہور سرگودھاروڈ کو بلاک کرنے کے بعد ٹریفک پولیس نے کوئی متبادل پلان تیار نہ کیا جس کی وجہ سے پورے شہر میں ٹریفک بلاک ہوگئی ،مین بازار ، ٹوکریانوالہ بازار، جکارتہ روڈ ، فاطمہ جناح روڈ ، ریلوے روڈ ، بھکھی روڈ ، سول کوارٹر روڈ پر موٹر سائیکل رکشوں ،کاروں ، موٹرسائیکلوں ،ٹریکٹر ٹرالیوں کی لمبی قطاریں لگ گئیں۔