پاکستان میں شیعہ سنی فساد کروانے کی قادیانی سازش کا انکشاف
شیعہ نیوز (پاکستانی شیعہ خبر رساں ادارہ) پاکستان میں شیعہ سنی تصادم کروانے کے منصوبے کا انکشاف ہوا ہے۔ انتہائی باوثوق ذرائع کے مطابق قادیانیوں نے پاکستان میں شیعہ سنی کے درمیان تصادم کو ہوا دینے کیلئے کروڑوں روپے کا بجٹ مختص کیا ہے، جس کے ذریعے ایسے واقعات کروائے جائیں گے، جن سے دونوں فرقوں کے درمیان کشیدگی بڑھے۔
ذرائع نے بتایا کہ چند روز قبل لاہور کی اکبری منڈی کے باہر مین روڈ پر واقع مزار کو آگ لگا دی گئی اور الزام عائد کیا گیا کہ اہل تشیع نے مزار کو آگ لگائی ہے۔ اہلسنت کے چند نوجوان مزار پر جمع ہوئے اور اہل تشیع پر جوابی حملے کیلئے امام بارگاہ کو نذر آتش کرنے کا منصوبہ بنا رہے تھے کہ مزار کے متولی نے نوجوانوں کو کوئی بھی اقدام کرنے سے منع کر دیا۔ پولیس ذرائع کے مطابق آگ لگا کر منظم سازش کے تحت الزام اہل تشیع پر لگایا گیا تھا۔
ذرائع کے مطابق سی سی ٹی وی کیمرے کی مدد سے آگ لگانے والے شخص کو ٹریس کر لیا گیا ہے، تاہم اس کی گرفتاری عمل میں نہیں لائی گئی۔ ذرائع کے بتایا کہ پنجاب پولیس کے ایک ریٹائرڈ ہونیوالے آئی جی بھی قادیانی ہیں، جنہوں نے اپنے دور میں متعدد قادیانیوں کو پنجاب پولیس میں بھرتی کیا تھا۔ ذرائع کے مطابق یہی قادیانی پولیس اہلکار بھی مختلف سازشوں کا حصہ ہیں تاہم اس کی تصدیق نہیں ہو سکی۔ ذرائع نے بتایا کہ عقیدہ ختم نبوت میں ترمیم کے بعد پیدا ہونیوالی صورتحال کے پیش نظر قادیانیوں نے پاکستان میں فرقہ وارانہ آگ بھڑکانے کا منصوبہ بنایا ہے۔ اس حوالے سے دونوں مکاتب فکر کے علماء نے اپنے اپنے پیروکاروں کو ہدایت کی ہے کہ وہ محتاط رہیں اور ایسی کسی سازش کا شکار نہ ہوں۔ اس حوالے سے رہنماوں نے علماء سے اپیل کی ہے کہ وہ بھی ذمہ داری کا مظاہرہ کریں اور اپنے اپنے پیروکاروں کو اس سازش سے آگاہ کریں۔
