آئی ایس او ملتان کے زیراہتمام ہفتہ وحدت کا آغاز، گھنٹہ گھر چوک میں استقبالیہ کیمپ اور سبیل کا انتظام

شیعہ نیوز(پاکستانی شیعہ خبررساں ادارہ)امامیہ اسٹوڈنٹس آرگنائزیشن ملتان ڈویژن کے زیراہتمام 12ربیع الاول تا 17ربیع الاول ہفتہ وحدت کے حوالے سے تقریبات کا آغاز کر دیا گیا، عید میلادالنبی(ص)کے موقع پر ملتان شہر کے دل گھنٹہ گھر چوک میں استقبالیہ کیمپ اور سبیل کا اہتمام کیا گیا، اس موقع پر آئی ایس او کے رہنمائوں اور سابقین کی بڑی تعداد موجود تھی، آئی ایس او کی جانب سے لگائے گئے اس استقبالیہ کیمپ کو عوام نے بے حد سراہا، عوام کا کہنا تھا کہ اہلسنت اکابرین کے جلوسوں کو خوش آمدید کہنے کے لیے شیعہ جماعتوں کا یہ اقدام قابل تحسین ہے، اس وقت پاکستان میں اسی طرح کی وحدت اور یکجہتی کی ضرورت ہے، اہلسنت اکابرین اور رہنمائوں نے کہا کہ عید میلادالنبی کا ایک مقصد عوام کے درمیان محبت کو عام کرنا اور نفرت کا خاتمہ ہے۔