ایم ڈبلیو ایم کراچی ضلع وسطی کے تحت آل شہدائے پاکستان ٹیپ بال کرکٹ ٹورنامنٹ کا انعقاد

شیعہ نیوز(پاکستان شیعہ خبر رساں ادارہ ) مجلس وحدت مسلمین ضلع وسطی کراچی کی جانب سے یوم پاکستان کی مناسبت سے شہدائے پاکستان کو خراج تحسین پیش کرنے کیلئے آل شہدائے پاکستان ٹیپ بال کرکٹ ٹورنامنٹ کا انعقاد کیا گیا،، ٹورنامنٹ میں شہر بھر سے آٹھ ٹیموں نے حصّہ لیا اور کاروان کربلا اور ریحان اکیڈمی، دستہ امامیہ اور صدائے کربلا ٹیمیں سیمی فائنل تک رسائی حاصل کرنے میں کامیاب ہوئیں، معروف نوحہ خواں علی دیپ رضوی، پولیٹیکل سیکرٹری کراچی ڈویژن میر تقی ظفر، سیکرٹری خیر العمل ویلفئیر ٹرسٹ کراچی ڈویژن زین رضوی، سیکرٹری سوشل میڈیا کراچی ڈویژن رضوان پنجوانی، انجمن جانثاران قاسم ویلفیئر ٹرسٹ کے صدر شجاعت حسین، کراچی ڈویژن کے رہنما جعفر حسین اور کراچی ڈویژن کے یوتھ سیکریٹری کاظم عباس نے مہمان خصوصی کے طور پر شرکت کی اور فاتح ٹیمز میں میڈل تقسیم کئے اور ایک کامیاب تفریحی پروگرام کے انعقاد پر سیکرٹری جنرل ضلع وسطی ثمر زیدی اور ٹورنامنٹ آرگنائزنگ کمیٹی کے ممبران کی کاوشوں کو سراہا۔ سیمی فائنل اور فائنل میچز کی تاریخ کا اعلان جلد کیا جائے گا جس میں شہر کی معروف سماجی، فلاحی اور تنظیمی شخصیات شریک کریں گی۔