کالعدم سپاہ صحابہ کے دو اہم دہشت گرد گرفتار

شیعہ نیوز(پاکستانی شیعہ خبر رساں ادارہ) گوجرانوالہ : صوبہ پنجاب کے شہر گوجرانوالہ میں سی ٹی ڈی نے کارروائی کرتے ہوئے 2 دہشت گردوں کو گرفتار کرلیا۔تفصیلات کے مطابق گوجرانوالہ میں خفیہ اطلاع ملنے پرسی ٹی ڈی نے کارروائی کرتے ہوئے دو دہشت گردوں کو گرفتار کرلیا۔ترجمان سی ٹی ڈی کے مطابق دہشت گردوں کی شناخت آصف اور ولی محمد کے ناموں سے ہوئی ہے۔ دہشت گردوں نے حساس اداروں کو نشانہ بنانے کی منصوبہ بندی کر رکھی تھی۔ترجمان نے مزید بتایا کہ دہشت گردوں سے بارودی مواد، دستی بم اور اسلحہ برآمد ہوا ہے، دونوں دہشت گردوں کا تعلق کالعدم تنظیم سپاہ صحابہ سے ہے۔یاد رہے کہ گزشتہ ماہ صوبہ پنجاب کے علاقے بھکر میں سی ٹی ڈی نے کارروائی کرتے ہوئے دو دہشت گردوں کو گرفتار کرکے اسلحہ اور بارودی مواد برآمد کیا تھا۔واضح رہے کہ رواں سال 27 مئی کو محکمہ انسداد دہشت گردی (سی ٹی ڈی) نے پنجاب میں کارروائی کے دوران 6 دہشت گردوں کو ہلاک کردیا تھا۔سی ٹی ڈی نے کارروائی کے دوران خودکش جیکٹس، بڑی تعداد میں اسلحہ اور دستی بم برآمد کیا گیا تھا ۔