لشکر جھنگوی کے دہشت گرد گرفتار بھاری مقدار میں گولہ بارود برآمد

شیعہ نیوز(پاکستانی شیعہ خبر رساں ادارہ) پاک فوج کے شعبہ تعلقات عامہ (آئی ایس پی آر) کا کہنا ہے کہ بلوچستان میں سیکیورٹی فورسز کی جانب سے کارروائی کی گئی جس میں بھاری مقدار میں گولہ بارود، راکٹ، بارودی سرنگیں اور مارٹر گولے برآمد کیے گئے۔تفصیلات کے مطابق پاک فوج کے شعبہ تعلقات عامہ (آئی ایس پی آر) کا کہنا ہے کہ آپریشن رد الفساد کے تحت سیکیورٹی فورسز نے بلوچستان میں کارروائی کی۔ خفیہ اطلاعات پر کی جانے والی کارروائی سبی اور کوہلو کے درمیان بھمبر کی پہاڑیوں پر کی گئی۔آئی ایس پی آر کا کہنا ہے کہ کارروائی کے دوران بھاری مقدار میں گولہ بارود، راکٹ، بارودی سرنگیں اور مارٹر گولے برآمد کیے گئے۔خیال رہے کہ چند روز قبل ہی بلوچستان کے علاقے لورالائی میں سیکیورٹی فورسز کی کارروائی میں 2 خودکش بمباروں سمیت 4 دہشت گرد ہلاک ہوگئے تھے۔لورالائی میں سیکیورٹی فورسز نے خفیہ معلومات پر آپریشن کیا تھا جس میں 2 خودکش بمباروں سمیت 4 دہشت گرد ہلاک ہوگئے تھے۔ آئی ایس پی آر کے مطابق کارروائی میں بلوچستان میں حالیہ دہشت گردی کا ماسٹر مائنڈ بھی ہلاک ہوا۔ہلاک دہشت گردوں سے بھاری مقدار میں گولہ بارود بھی برآمد کیا گیا۔ آپریشن کے دوران 4 سیکیورٹی اہلکار بھی معمولی زخمی ہوئے۔