کراچی، ولادت امام حسینؑ و مولا عباسؑ کی مناسبت سے فیملی فیسٹیول کا انعقاد
شیعہ نیوز (پاکستانی شیعہ خبررساں ادارہ) کراچی میں ولادت امام حسینؑ و مولا عباسؑ کی مناسبت سے فیملی فیسٹیول کا انعقادسولجربازار میں کیا گیا۔
تفصیلات کے مطابق مجلس وحدت مسلمین ضلع جنوبی کے زیر اہتمام جشن انوار شعبان و فیملی فیسٹیول بمناسبت ولادت باسعادت حضرت امام حسین ع و مولا عباس علمدار ع کا ایم ڈبلیوایم کے صوبائی سیکریٹریٹ کلیٹن گارڈن کے سامنے انعقاد کیا گیا۔
جشن سے ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی نے خصوصی خطاب کیا جبکہ معروف اہل سنت نعت خواں حکیم سلطان کا بارگاہ ولایت و امامت میں نذرانہ عقیدت پیش کیا۔ اس موقع پر ایم ڈبلیوایم کے رہنما ناصرحسینی، علامہ علی انور جعفری، ذیشان حیدر ، حسن رضا،علامہ سجاد شبیر رضوی اور یوتھ فاؤنڈیشن کے چیئرمین محمد عسکری دیوجانی نے خصوصی شرکت ک۔
جشن انوار شعبان و فیملی فیسٹیول میں بچوں کی تفریح کیلئے جھولوں ،جمپنگ کیسل،سلائڈ کیسل وغیرہ کااہتمام کیا گیا تھاجبکہ مومنین کی تواضع کیلئے حلوہ پوری،فرینچ فرائز،پوپ کارن،آئس کریم اور دیگر اشیاکے اسٹالز لگائے گئے،جشن کے اختتام پر ولادت امام حسین ع کی مناسبت سے ویڈیو ڈاکومنڑی بذریعہ ملٹی میڈیا دکھائی گئی، بچوں اور بچیوں کے درمیان پینٹنگ کا مقابلہ اور مومنین و مومنات کے درمیان کوئز مقابلہ منعقد کیا گیا اور کامیاب ہونے والوں کو تحائف اور نقد انعامات سے نوازا گیا، جبکہ ننھے بچوں میں عیدی بھی تقسیم کی گئی۔
