ٹی ٹی ٹی اور داعش کے 4 کمانڈروں سمیت 21 دہشتگرد گرفتار

شیعہ نیوز: دہشت گردی کے خدشات کے پیش نظر سی ٹی ڈی کی جانب سے دہشتگردوں کیخلاف کارووائیاں جاری ہیں۔ ترجمان سی ٹی ڈی کے مطابق انٹیلی جنس بیسڈ آپریشن کے دوران ٹی ٹی پی کے 9، داعش کے 4 اہم کمانڈروں سمیت 21 تکفیری دہشت گرد گرفتار کئے گئے ہیں۔ ترجمان کے مطابق گرفتار ہونیوالے دہشت گرد لاہو، نارووال، ڈی جی خان، راولپنڈی، جہلم، مظفر گڑھ، گوجرانوالہ، سرگودھا، لیہ، اٹک اور ساہیوال میں خطرناک منصوبہ بندی کر رہے تھے۔

ترجمان نے دعویٰ کیا ہے کہ دہشت گردوں سے بارودی مواد، پرائما کارڈ، ڈیٹو نیٹر، آئی ای ڈی بم، حفاظتی فیوز، ہینڈ گرینڈ اور نقدی برآمد کر لی گئی ہے۔ گرفتار ہونیوالے دہشتگردوں کی شناحت شاہد، امین، گل رحمان، آزاد، اسحاق، اعجاز، جاوید، مدثر، اقبال، عیسی، شہباز اور سیف وغیرہ کے نام سے ہوئی ہے، دہشت گردوں کیخلاف مقدمات درج کرکے تفتیش کی جا رہی ہے۔