امامیہ سکاؤٹ کیمپ 27 جولائی سے بھمبروٹ سیداں مری میں ہو گا

شیعہ نیوز (پاکستانی شیعہ خبر رساں ادارہ )امامیہ چیف اسکائوٹس توقیر مہدی نے اسکائوٹس ہیڈکوارٹر لاہور میں صحافیوں سے گفتگو کرتے ہوئے بتایا کہ امسال بھی آئی ایس او پاکستان کے شعبہ اسکائوٹنگ کے زیراہتمام بھمبروٹ سیداں مری میں سالانہ مرکزی اسکائوٹ کیمپ کا آغاز 27 جولائی سے ہوگا جو 7 اگست تک جاری رہے گا۔

زرائع کے مطابق سالانہ مرکزی اسکائوٹ کیمپ میں ملک بھر سے سینکڑوں امامیہ اسکائوٹس شریک ہونگے۔ امامیہ چیف اسکائوٹس توقیر مہدی کا کہنا تھا کہ کیمپ میں اسکائوٹس، علما کرام، ٹیکنوکریٹس، سینئرز اور مرکزی عہدیدران کی کثیر تعداد بھی شرکت کرے گی۔ کیمپ کے انعقاد کا مقصد معاشرے میں اقدار اسلامی کو فروغ دینا ہے تاکہ معاشرے میں بہترین افراد اپنا کلیدی کردار ادا کر سکیں۔ انہوں نے مزید بتایا کہ اسکائوٹنگ کیمپ کے انعقاد سے طلبا کو جسمانی ورزش کی اہمیت سے روشناس کروانا ہے، کسی بھی ناخوشگوار واقعہ کے رونما ہونے پر ابتدائی طبی امداد اور دیگر سکائوٹس تربیت کے علاوہ تنظیمی شعبہ جاتی امور کی انجام دہی سے متعلق معلومات کی فراہمی ہے۔ توقیر مہدی کا کہنا تھا کہ پاکستان کے استحکام اور تحفظ کیلئے ہمہ وقت تیار ہیں اور امن کا پیغام لیکر اتحاد بین المسلمین کے فروغ کیلئے کام کریں گے۔