ایم ڈبلیو ایم کا 3 روزہ مرکزی ناصران ولایت کنونشن 11 اپریل سے اسلام آباد میں شروع ہوگا

شیعہ نیوز (ملتان) مجلس وحدت مسلمین پاکستان کا مرکزی تین روزہ ناصران ولایت تنظیمی و تربیتی کنونشن 11,12,13 اپریل 2014ء (جمعہ، ہفتہ، اتوار) کو جامع امام صادق(ع) نزد کراچی کمپنی اسلام آباد میں منعقد ہوگا، کنونشن میں ملک بھر سے جید علمائے کرام، شوریٰ عالی، مرکزی کابینہ، ضلعی کابینہ کے سینکڑوں عہدیدار شریک ہوں گے۔ چیئرمین وحدت یوتھ و چیئرمین کنونشن سید فضل عباس نقوی ایڈووکیٹ نے ”شیعہ نیوز” سے گفتگو کرتے ہوئے کہا کہ کنونشن میں سالانہ کارکردگی مرکز صوبہ پیش کی جائے گی، آئندہ سال کا سالانہ پروگرام پیش کیا جائے گا، اہم قومی، ملکی و غیرملکی ایشوز پر جماعت کی پالیسی کا اعلان کیا جائے گا۔ کنونشن 11 اپریل بعد از نماز جمعتہ المبارک شروع ہوگا اور 13 اپریل کو قبل ازمغرب اختتام پذیر ہوگا۔