سانحہ کوہستان، حکمران ظلم پر خاموش، جعفریہ الائنس کا 3 روزہ سوگ کا اعلان

اپنے احتجاجی بیان میں جعفریہ الائنس کے سربراہ کا کہنا ہے کہ ایک سازش کے تحت زائرین کی بس کو شناختی کارڈ چیک کرنے کے بعد دہشتگردی کا نشانہ بنایا گیا۔ انہوں نے سوال کیا کہ حکمران اس ظلم پر کیوں خاموش ہیں؟

جعفریہ الائنس پاکستان نے سانحہ کوہستان کے خلاف تین روزہ سوگ اور جمعہ کو تمام مساجد سے احتجاجی ریلیوں کے انعقاد کا اعلان کر دیا۔ جعفریہ الائنس پاکستان کے سربراہ مولانا عباس کمیلی نے کہا کہ ایک سازش کے تحت زائرین کی بس کو شناختی کارڈ چیک کرنے کے بعد دہشتگردی کا نشانہ بنایا گیا۔ انہوں نے سوال کیا کہ حکمران اس ظلم پر کیوں خاموش ہیں؟ اگر ایسا چلتا رہا تو جعفریہ الائنس اپنی علیحدہ انتخابی پالیسی بنانے پر مجبور ہو گی۔