Uncategorized

لاہور، علامہ اصغر عسکری 3 سال کیلئے ایم ڈبلیو ایم پنجاب کے سیکرٹری جنرل منتخب

شیعہ نیوز (پاکستانی شیعہ خبر رساں ادارہ )مجلس وحدت مسلمین پنجاب کی صوبائی شوریٰ نے بھکر سے تعلق رکھنے والے مسئول مرکزی سیکرٹریٹ اور سابق ڈپٹی سیکرٹری جنرل پنجاب و ترجمان علامہ اصغر عسکری کو تین سال کے لئے پنجاب کا نیا سیکرٹری جنرل منتخب کر لیا۔

زرائع کے مطابق لاہور کے علاقے شادمان کے قومی مرکز میں منعقدہ صوبائی شوریٰ کے اجلاس میں ضلعی سیکرٹری جنرلز اور نمائندوں نے اپنا اپنا حق رائے دہی استعمال کیا۔ اس سے قبل صوبائی سیکرٹری جنرل کیلئے 3 ناموں کو پیش کیا گیا، جن میں سید اسد عباس نقوی، علامہ مبارک علی موسوی اور علامہ اصغر عسکری شامل تھے۔ رائے دہندگان نے اپنے ووٹ کے ذریعے علامہ اصغر عسکری کو نیا سیکرٹری جنرل منتخب کیا۔ نومنتخب سیکرٹری جنرل کا اعلان اور حلف مرکزی سیکرٹری جنرل علامہ راجہ ناصر عباس جعفری نے لیا۔ الیکشن کمیشن کے فرائض مرکزی سیکرٹری سیاسیات سید ناصر عباس شیرازی، علامہ ابوذر مہدی اور علی رضا بھٹی نے سرانجام دیئے۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button