لاہور، سی ٹی ڈی کی کارروائی، داعش کے3 تکفیری دہشتگرد گرفتار

شیعہ نیوز (پاکستانی شیعہ خبر رساں ادارہ ) کاؤنٹر ٹیررازم ڈیپارٹمنٹ نے عالمی تکفیریر دہشتگرد گروہ داعش سے تعلق رکھنے والے 3 تکفیری دہشتگرد گرفتار کرلئے، دہشتگردوں سے بارودی مواد اور دیگر سامان برآمدکرلیا۔

سی ٹی ڈی ذرائع کا کہنا ہےتکفیری دہشتگرد سرکاری اداروں پر حملوں کی منصوبہ بندی کر رہے تھے۔ کاؤنٹر ٹیررازم ڈیپارٹمنٹ نے دعویٰ کیا ہے کہ مغلپورہ میں چھاپے کے دوران اسلام دشمن، انسان دشمن سعودی نمک خوار کالعدم عالمی تکفیری دہشتگرد گروہ داعش سے تعلق رکھنے والے 3 تکفیری دہشتگردوں کو گرفتار کیا گیا ہے۔ گرفتار تکفیری دہشتگردوں میں مظفر علی خان، اسد آفتاب اور ملک خضر حیات شامل ہیں اور ان کا تعلق عالمی تکفیری دہشتگرد گروہ داعش کے ذیلی دارے صوت الامہ سے بتایا جا رہا ہے۔ سی ٹی ڈی حکام کا یہ بھی کہنا ہے کہ گرفتار تکفیری دہشتگرد شہر کے سرکاری اداروں پر حملوں کی منصوبہ بندی کر رہے تھے۔ دہشتگردوں کے قبضے سے بھاری مقدار میں بارودی مواد اور دیگر سامان بھی برآمد ہوا ہے۔ تھانہ سی ٹی ڈی میں مقدمہ درج کر لیا گیا ہے، جبکہ گرفتار تکفیری دہشتگردوں کو مزید تفتیش کے لیے نامعلوم مقام پر منتقل کر دیا گیا ہے۔