کراچی: حساس اداروں کی کاروائی رضویہ سوسائٹی سے القاعدہ برصغیر کے 3 دہشتگرد گرفتار

شیعہ نیوز ( پاکستان شیعہ خبر رساں ادارہ ) کراچی کے علاقے رضویہ سوسائٹی سے 3 مبینہ دہشت گرد گرفتارکرلیے گئے، ملزمان دہشت گردی کا منصوبہ بنا رہے تھے جبکہ گلستان جوہر میں رینجرز نے کارروائی کرکے3 ملزمان کوگرفتارکرلیا۔ماڈل کالونی ، اورنگی ٹاؤن، نیو ٹاؤن اور لیاری سے بھی11ملزمان پکڑے لیے گئے ۔ کراچی کے علاقے گلستان جوہر سے رینجرز نے 3 ملزمان جبکہ رضویہ سوسائٹی سے پولیس نے 3 دہشت گرد اور دیگر علاقوں سے 17 ملزمان گرفتار کر لیے ۔ اطلاعات کے مطابق رضویہ پولیس نے حساس ادارے کے ہمراہ ناظم آباد ندی کے قریب کارروائی کرکے القاعدہ برصغیر کے 3ملزمان عبدالسمیع خان، غلام رسول اور محمد اختر کو گرفتار کرکے ہینڈ گرنیڈ اور دھماکا خیز مواد برآمد کرلیا ۔ملزمان سے مزیدتفتیش کی جارہی ہے۔