کراچی،سی ٹی ڈی کی کاروائی ،خودکش حملہ آور سمیت 3 تکفیری دہشت گرد گرفتار
شیعہ نیوز ( پاکستانی شیعہ خبر رساں ادارہ)پولیس کے محکمہ انسداد دہشت گردی (سی ٹی ڈی) نے کارروائی کرکے خودکش حملہ آور سمیت 3 تکفیری دہشت گردوں کی گرفتاری کا دعویٰ کیا ہے۔
زرائع کے مطابق سی ٹی ڈی نے خفیہ اطلاع پر کراچی کے علاقے منگھو پیر کے علاقے میں کارروائی کی اور وہاں سے تکفیری سیف رحمٰن، خودکش بمبار تاج محمد اور عادل کو گرفتار کیاہے۔تکفیری دہشت گردوں کے قبضے سے ایک خودکش جیکٹ، 3 ٹی ٹی پستول، 4 دستی بم اور 2 کلو بارودی مواد بھی برآمد کیا گیا۔سی ٹی ڈی سندھ کے سربراہ ڈاکٹر ثنا اللہ عباسی نے ڈان کو بتایا کہ ابتدائی تحقیقات کے دوران گرفتار کیے گئے تکفیری دہشت گردوں نے پولیس کو بتایا کہ ان کا تعلق ملک دشمن، اسلام دشمن کالعدم تکفیری دہشتگرد گروہ تحریک طالبان پاکستان (ٹی ٹی پی) سے ہے اور انہوں نے وزیرستان سے دہشت گردی کی تربیت حاصل کی ہے۔
اطلاعات کے مطابق گرفتار تکفیری دہشتگرد تاج محمد نے انکشاف کیا کہ 2014 کے دوران ایک دہشت گرد نور سعید عرف ابو بکر نے، جو اس وقت ٹی ٹی پی کراچی ویسٹ کا کمانڈر تھا، اسے خودکش حملے کے لیے تیار کیا۔بعد ازاں تاج محمد کو اسلام آباد بھجوایا گیا، جہاں اس کی ملاقات ایک دوسرے دہشت گرد قاری سمیع اللہ سے ہوئی جس نے اسے خودکش جیکٹ استعمال کرنے کی تربیت دی۔تاج محمد نے بتایا کہ ایک دن وہ اور دیگر تکفیری دہشت گرد پنجاب میں دہشت گردی کے لیے جارہے تھے کہ محمود کوٹ روڈ پر ان کا مظفر گڑھ پولیس سے مقابلہ ہوا، جس میں 4 تکفیری دہشت گرد مارے گئے جبکہ قاری سمیع اللہ سمیت 4 تکفیری دہشت گرد فرار ہونے میں کامیاب رہے۔
ثنا اللہ عباسی نے بتایا کہ اس کے بعد تکفیری خودکش حملہ آورر تاج محمد، قاری سمیع اللہ، حمزہ، ذیشان اور طلحہٰ افغانستان فرار ہوگئے، جہاں ان کی ملاقات اپنے امیر عمر افغانی سے ہوئی، اور وہ افغانستان میں 8 ماہ مقیم رہے۔ان کا کہنا تھا کہ تکفیری دہشتگرد تاج محمد 2015 میں دوبارہ کراچی آیا اور تحریک طالبان کے لیے کام کرنا شروع کیا۔ تاج محمد نے دوران تفتیش مزید بتایا کہ وہ اور اس کے ساتھی کراچی میں بڑی دہشت گرد کارروائی کی تیاری کر رہے تھے۔
