القدس ریلی دھماکہ کا ایک اور زخمی دم توڑ گیا، جاں بحق افراد کی تعداد 3 ہوگئی

جمعۃ الوداع پر القدس ریلی میں شرکت کے لیے آنیوالے افراد کی بس پر بم حملے میں زخمی ہونیوالا ایک اور شخص ہسپتال میں دم توڑ گیا، جاں بحق افراد کی تعداد 3 ہوگئی۔ قبلہ اول کی آزادی اور فلسطین پر اسرائیلی مظالم کے خلاف جمعۃ الوداع پر پُرامن احتجاجی ریلی میں شرکت کے لیے آنیوالے افراد کی بس کو سفاری پارک کے قریب شدت پسندوں نے نشانہ بنایا۔ بم حملے میں جہاں بس کو شدید نقصان پہنچا وہی درمیان میں آنیوالی کار بھی تباہ ہوگئی تھی۔ بم دھماکے میں 5 روز قبل 2 افراد جاں بحق اور 20 سے زائد زخمی ہوگئے تھے، جبکہ دھماکے کا ایک اور زخمی نظام الدین جو کہ جناح ہسپتال میں زیر علاج تھا آج دم توڑ گیا، جس کے بعد جاں بحق ہونیوالوں کی تعداد 3 ہوگئی ہے۔