لاہور، یوم علیؑ کے جلوس کے روڈ سے 3 مشتبہ افراد گرفتار

شیعہ نیوز (پاکستانی شیعہ خبر رساں ادارہ) لاہور سٹی ڈویژن پولیس نے 21 رمضان المبارک کو یوم شہادت حضرت علی علیہ السلام کی مناسبت سے برآمد ہونیوالے جلوس کے روٹ پر سرچ آپریشن کیا جبکہ رہائشیوں اور دکانداروں سے شورٹی بانڈز بھی حاصل کر لئے گئے ہیں۔ ایس پی سٹی عادل میمن کے مطابق سٹی ڈویژن پولیس کی جانب سے یوم علیؑ کے مرکزی جلوس کے روٹ پر سرچ آپریشن کیا جس دوران پولیس نے دکانوں اور گھروں کی چیکنگ بھی کی۔ ایس پی سٹی کے مطابق جلوس کے روٹس پر آنیوالے گھروں اور دکانداروں سے شورٹی بانڈز بھی حاصل کر لئے گئے ہیں جبکہ سرچ آپریشن کے دوران پولیس نے 3 مشتبہ افراد کو بھی حراست میں لے لیا جن سے مزید تفتیش جاری ہے۔