لاہور میں دہشت گردی کا بڑا منصوبہ ناکام، 3 داعشی دہشت گرد گرفتار

شیعہ نیوز(پاکستان شیعہ خبر رساں ادارہ ) سی ٹی ڈی نے لاہور میں 3 دہشت گردوں کو گرفتار کر کے دستی بم اور بارودی مواد برآمد کر لیا۔ کاؤنٹر ٹیرر ازم ڈپارٹمنٹ نے 3 دہشت گردوں شعیب الرحمان، عبدالرحمان اور عامر سلیم کو گرفتار کرکے لاہور میں دہشت گردی کا بڑا منصوبہ ناکام بنا دیا۔ سی ٹی ڈی کا کہنا ہے کہ دہشت گردوں کو مغل پورہ سے کارروائی کے دوران گرفتار کیا گیا جن کا تعلق ایک کالعدم تنظیم سے ہے۔ دہشت گردوں کے قبضے سے دستی بم اور بارودی مواد بھی برآمد کرلیا گیا اور ملزمان کو مزید تفتیش کے لیے نامعلوم مقام پر منتقل کر دیا گیا ہے۔