پشاور دھماکہ، شہید بچوں میں سے 3 کا تعلق پاراچنار جبکہ 4 کا تعلق ہنگو سے

شیعہ نیوز (پپشاور) پشاور میں سکول بچوں پر ہونے والے دھماکے میں شہید ہونے والے معصوم بچوں کی تعداد ایک سو تیس تک پہنچ گئی ہے، جبکہ ان شہید ہونے والوں میں سے تین کا تعلق پاراچنار جبکہ چار کا تعلق ھنگو کے علاقے کچئی سے ہے۔ ان تمام سات بچوں کی میتیں پشاور میں موجود امام بارگاہ علمدار پہنچادی گئی ہیں۔ پاراچنار سے تعلق رکھنے والے بچوں میں ابرار حسین ولد رجب حسین اور ندیم حسین ولد حسین اصغر کا تعلق شلوزان جبکہ عمران حسین کا تعلق ڈنڈر روڈ پاراچنار سے ہے۔ ساتوں بچوں کی میتیں پشاور کے قصہ خوانی بازار میں موجود امام بارگاہ علمدار کربلا پہنچا دی گئی ہیں۔ جنہیں کل صبح اپنے اپنے آبائی علاقوں کی جانب منتقل کیا جائے گا۔