گذشتہ ماہ امریکہ کی جانب سے اسرائیل کو 3 ارب ڈالر کی فوجی امداد

شیعہ نیوز: فرانسیسی ذرائع ابلاغ نے ایک امریکی اہلکار کے حوالے سے بتایا کہ واشنگٹن نے مئی 2024 میں اسرائیل کو 3 ارب ڈالر کی فوجی امداد فراہم کی تھی۔

امریکی حکومت کے ایک سینئر اہلکار نے انکشاف کیا کہ امریکہ نے 7 اکتوبر 2023 سے اب تک اسرائیل کو 6.5 ارب ڈالر سے زیادہ کے ہتھیار بھیجے ہیں۔

یہ بھی پڑھیں : اسپین کی’آئی سی جے‘ میں اسرائیل کےخلاف کیس میں شمولیت کی درخواست

امریکی محکمہ خارجہ نے گزشتہ سال اعلان کیا تھا کہ 2009 سے اب تک امریکہ نے اسرائیل کے میزائل دفاعی بجٹ میں مجموعی طور پر 3.4 ارب ڈالر کا حصہ ڈالا ہے، جس میں آئرن ڈوم کے لیے 1.3 ارب ڈالر بھی شامل ہیں۔

اسرائیلی حکومت کے لیے امریکی فوجی امداد 10 سالہ تعاون کی قراردادوں کے فریم ورک میں کی گئی ہے، اور تازہ ترین یادداشت پر 2016 میں دستخط کیے گئے تھے، جس کے مطابق واشنگٹن اسرائیل کو 38 ارب ڈالر کی فوجی امداد فراہم کرنے کا پابند ہے۔