لکی مروت، پولیس مقابلے میں کالعدم لشکر جھنگوی کے 3دہشتگرد ہلاک

شیعہ نیوز ( پاکستانی شیعہ خبر رساں ادارہ) خیبرپختونخواہ کے علاقے لکی مروت کی تحصیل غزنی خیل میں پولیس کی کارروائیوں میں مطلوب اشتہاری سمیت 3 دہشت گرد مارے گئے۔

پولیس ذرائع کے مطابق سیکیورٹی فورسز اور پولیس کے سرچ آپریشن کے دوران دہشت گردوں نے فورسز پر فائرنگ کر دی، فائرنگ کے تبادلے میں 2 دہشت گرد ہلاک ہوئے۔

ہلاک ہونے والوں میں ایک دہشت گرد کی شناخت عبدالرؤف ساکن شیری خیل کے نام سے ہوئی ہے۔

یہ خبر بھی پڑھیں قومی سلامتی پالیسی پر قومی اتفاق رائے پیدا کیا جائے، علامہ ساجد نقوی

پولیس ذرائع نے بتایا کہ غزنی خیل کے علاقے میںہی پولیس کی کارروائی کے دوران فائرنگ کا تبادلہ ہوا جس میں پولیس کو مطلوب اشتہاری مارا گیا جو متعدد مقدمات میں ملوث تھا۔

دوسری جانب پولیس حکام نے بتایا کہ لکی مروت میں ہی فرنٹیئر کور(ایف سی) بلوچستان کے اہلکار کو اغواء کے بعد شہید کر دیا گیا، ایف سی بلوچستان کا اہلکار رفیع اللہ چھٹی پر گھر آیا ہوا تھا، کہ اسے نامعلوم افراد کی جانب سے اغوا کرلیا گیا، اور بعد میں اس کی لاش کرموخیل پہاڑ کے قریب سے ملی۔

واقعے کے بعد فورسز نے آپریشن شروع کردیا ہے، اور تحقیقات کی جارہی ہیں کہ واقعے میں کون سے عناصر ملوث ہیں۔