انجمن حسینی عزاداران تنظیم کی بس کو حادثہ, 30 زخمی

شیعہ نیوز ) پاکستانی شیعہ خبر رساں ادارہ(شاہراہ فیصل کراچی پر انجمن حسینی عزاداران تنظیمکی بس کو حادثہ پیش آیا جس میں 30سے زائد مومنین شدید زخمی ہوگئے ہیں۔

تفصیلات کے مطابق گذشتہ شب ملیر کے علاقےحسینی سفارت خانے کی انجمن "حسینی عزاداران تنظیم” کی بس جو کہ شہر کے مختلف علاقوں میں ہونے والی شب بیداریوں میں نوحہ خوانی وسینہ زنی کے لئےروانہ ہوئی تھی، نصف شب کے قریب شاہراہ فیصل پر کالونی گیٹ کے پاس پلٹ گئی جس کے نتیجے میں درجنوں عزادار شدید زخمی ہوگئے، متعدد عزداروں کی وافر مقدار میں خون بہہ جانے کے باعث حالت تشویش نا ک ہے جنہیں ڈاکٹرز جناح اسپتال میں طبی امدادفراہم کررہے ہیں جبکہ اطلاعات کے مطابق شہید اربعین شمشیرحسین کے فرزند عمران کی حالت انتہائی تشویش ناک ہے جنکا آپریشن جاری ہے۔

شیعہ نیوز ٹیم اپنے تمام قارئین سے ان عزاداروں کی جلد اور مکمل صحتیابی کے لیے دعا کی التماس کرتی ہے۔