شمالی غزہ میں گذشتہ دو مہینوں میں 32 فوجی ہلاک ہوگئے، تل ابیب کا اعتراف

شیعہ نیوز: صہیونی حکومت نے کہا ہے کہ گذشتہ دو مہینوں کے دوران شمالی غزہ میں 32 فوجی ہلاک ہوگئے ہیں۔

فلسطینی ذرائع ابلاغ نے کہا ہے کہ صیہونی فوج نے باضابطہ طور پر اعتراف کیا ہے کہ شمالی غزہ میں کے علاقے جبالیہ اور بیت لاہیہ میں حالیہ فوجی کارروائیوں کے آغاز سے لے کر اب تک 32 فوجی ہلاک ہو چکے ہیں۔

یہ بھی پڑھیں : امریکہ یوریشیائی خطے میں تناؤ کے ذریعے سرد جنگ کے درپے ہے، سرگئی لاوروف

یہ خبر ایک ایسے وقت میں سامنے آئی ہے جب القدس بریگیڈ نے اعلان کیا ہے کہ اس نے شمالی غزہ کے علاقے جبالیہ میں صیہونی قابض افواج کو مارٹر گولوں سے نشانہ بنایا ہے۔

دراین اثناء الاقصی شہداء بریگیڈ نے بھی اعلان کیا ہے کہ اس نے شمالی غزہ میں جاسوسی کے دوران صیہونی ڈرون کو مار گرایا ہے۔

دوسری جانب قابض اسرائیلی فوج نے شمالی غزہ کے قصبے بیت لاہیہ میں ایک گھر پر بمباری کی جس کے نتیجے میں 15 فلسطینی شہید اور متعدد زخمی ہوگئے۔