توقیر مہدی 33 ویں امامیہ چیف اسکاؤٹس منتخب

شیعہ نیوز (پاکستانی شیعہ خبر رساں ادارہ) امامیہ اسٹوڈنٹس آرگنائزیشن پاکستان شعبہ اسکائوٹنگ کے زیر اہتمام دس روزہ مرکزی اسکاوٹ کیمپوری اختتام پزیر ہو گیا ہے۔ کیمپ میں سینکڑوں اسکاوٹس نے شرکت کی، کیمپ کے آخری روز نومنتخب امامیہ چیف اسکائوٹ کے نام کا اعلان امامیہ اسٹوڈنٹس آرگنائزیشن کے مرکزی صدر تہور حیدری نے کیا۔ 33ویں نومنتخب امامیہ چیف اسکاوٹ توقیر مہدی نے اپنے خطاب میں کہا کہ پاکستان میں اسلامی انقلاب کی راہیں ہموار کرنے کیلئے اپنا کلیدی کردار ادا کریں گے، انہوں نے مزید کہا کہ اپنی صلاحیتوں کو بروئے کار لاتے ہوئے معاشرہ کی تشکیل میں اپنا کردار ادا کرکے اسے اسلامی معاشرہ بنائیں گے۔