سی ٹی ڈی نے ملتان سے 4 خطرناک دہشتگرد گرفتارکرلیے، مذہبی شخصیات کی تصاویر برآمد

شیعہ نیوز (پاکستانی شیعہ خبر رساں اداراہ)  کائونٹر ٹیرارزم پولیس ملتان نے بہاولپور بائی پاس کے قریب کارروائی کرتے ہوئے 4 دہشتگرد گرفتار کرلئے، دہشتگردوں کے قبضے سے بارودی مواد، اسلحہ، نقشے اور اہم شخصیات کی تصاویر برآمد کر لیں۔

تفصیلات کے مطابق گرفتار دہشتگردوں میں فضل، اسلم خان، گل رحمان اور باسط علی شامل ہیں، ان کا تعلق کالعدم تحریک طالبان سے بتایا جاتا ہے، دہشتگردوں کو تفتیش کے لئے نامعلوم مقام ہر منتقل کر دیا گیا ہے۔ ابتدائی معلومات کے مطابق دہشتگردوں کا تعلق وزیرستان سے ہے، وہ ملتان میں گذشتہ ایک مہینے سے ریکی کر رہے ہیں اور اُنہوں نے اگلے ایک ہفتے میں کارروائیاں کرنا تھیں، پولیس ذرائع کے مطابق دہشتگردوں سے مذہبی شخصیات کی تصاویر برآمد ہوئی ہیں، ذرائع کے مطابق دہشتگردوں کو نامعلوم مقام پر منتقل کر دیا گیا ہے اور ان سے تفتیش جاری ہے۔

واضح رہے کہ اس ہفتے ملتان میں مجلس وحدت مسلمین کا صوبائی کنونشن منعقد ہونا ہے جس میں مرکزی قائدین سمیت سیاسی و سماجی شخصیات نے شرکت کرنی ہے۔