کراچی میں پولیس و رینجرز کی کاروائی 4 تکفیر طالبان ہلاک

شعیہ نیوز (کراچی) شہر کراچی میں رینجرز اور پولیس کی مشترکہ کاروائی میں کالعدم تنظیم کے چار دہشتگرد مارے گئے ہيں۔ تفصیلات کے مطابق سائٹ کے علاقے میں رینجرز نے کالعدم تحریک طالبان کے ٹھکانے پرچھاپہ مارا جس کے دوران ہونے والی فائرنگ کے تبادلے میں دو دہشتگرد مارے گئے جبکہ ان کا ایک ساتھی فرار ہوگیا۔ رینجرز نے موقع سے آئي ڈی ڈیوائس ، دستی بم اور ہتھیار برآمد کئے ہيں۔ رینجرز کے ترجمان کے مطابق ہلاک ہونے والے دہشتگردوں کا تعلق کالعدم تحریک طالبان سے ہے جبکہ پیرآباد میں رینجرز اور پولیس کی خفیہ کاروائي میں مزید دو دہشتگرد مارے گئے ہیں۔یہ دونوں دہشتگرد پولیس کی ٹارگٹ کلنگ میں ملوث تھے۔ درایں اثنا پرانی سبزی منڈی میں مسلح دہشتگردوں کی فائرنگ میں اہلسنت والجماعت کے دو کارکنوں کو قتل کردیاگیاجس کے بعد اہلسنت والجماعت نے یونیورسٹی روڈ پر احتجاج کیا۔