شمالی غزہ میں مجاہدین کے گھات لگا کر کیے گئے حملے میں 4 اسرائیلی فوجی ہلاک

شیعہ نیوز: قابض اسرائیلی میڈیا نے بتایا ہے کہ غزہ کی پٹی میں فلسطینی مزاحمت کاروں کے ساتھ لڑائی میں 4 اسرائیلی فوجی ہلاک اور 7 زخمی ہوئے ہیں۔

انہوں نے کہا کہ فوجیوں کو شمالی غزہ کی پٹی میں بیت حانون کے علاقے میں ایک مشکل سکیورٹی واقعے میں مارا گیا، جب مزاحمت نے پیادہ فوج اور ٹینکوں کی فوج کے خلاف کئی بارودی آلات کو دھماکے سے اڑا دیا۔

یہ بھی پڑھیں : ایران میں تیار شدہ نیا اینٹی بیلسٹک میزائل سسٹم دشمنوں کو اندازوں کو پاش پاش کردے گا، جنرل شیخیان

اسرائیلی میڈیا نے اطلاع دی ہے کہ فوجیوں کو مقبوضہ بیت المقدس کے شعارز زیڈک میڈیکل سینٹر منتقل کیا گیا ہے۔ عندیہ دیا ہے کہ قابض اسرائیلی فوج آج شام کے بعد اس واقعے کی ہلاکتوں اور تفصیلات کا اعلان کرے گی۔

اسلامی تحریک مزاحمت "حماس” کے عسکری ونگ القسام بریگیڈ نے کہا ہے کہ اس نے شمالی غزہ کی پٹی میں قابض اسرائیلی فوج کو نشانہ بنانے کے لیے ایک حملے کا منصوبہ بنایا تھا۔

القسام بریگیڈز نے بتایا کہ اس نے مرکاوا ٹینک کو "یٰسین 105” گولے سے نشانہ بنایا۔ایک مکان میں قابض اسرائیلی فوج کو "105 اینٹی پرسنل” شیل سے نشانہ بنایا گیا۔