یمن کے دارالحکومت صنعا پر امریکی جارحیت میں 4 افراد شہید
شیعہ نیوز: یمن میں امریکی جارحیت جاری ہے۔ گذشتہ شام امریکی فوج کے جنگی طیاروں نے صنعا میں بمباری کی جس کے نتیجے میں متعدد شہری شہید اور زخمی ہوگئے۔
یمنی ذرائع ابلاغ نے اطلاع دی ہے کہ اتوار کی شام ایک نئی امریکی جارحیت نے دارالحکومت صنعا کو نشانہ بنایا۔
المسیرہ ٹی وی نے ضلع معین میں ایک رہائشی عمارت پر امریکی حملے کے نتیجے میں ابتدائی طور پر چار افراد کی شہادت اور دو کے زخمی ہونے کی تصدیق کی ہے۔
یہ بھی پڑھیں : دشمن ہمارا کچھ نہیں بگاڑ سکتا، ایڈمرل علی رضا تنگسیری
ذرائع ابلاغ نے اطلاع دی ہے کہ فضائی حملوں میں دارالحکومت صنعا کے ضلع معین کے عصر کے علاقے میں رہائشی محلے میں ایک عمارت کو نشانہ بنایا گیا۔
پینٹاگان نے یمن میں چھاپوں کے حوالے سے کوئی سرکاری اعلان جاری نہیں کیا ہے۔
نئے امریکی چھاپے مآرب گورنری اور حدیدہ بین الاقوامی ہوائی اڈے میں ہفتے کی شام اسی طرح کے حملوں کے 24 گھنٹے سے بھی کم وقت کے بعد آئے ہیں۔
غزہ میں اسلامی تحریک مزاحمت ’حماس‘ اور اسرائیل کے درمیان 19 جنوری کو جنگ بندی کے معاہدے پر عمل درآمد کے ساتھ ہی انصار اللہ کے حملے بند ہو گئے تھے، لیکن انہوں نے ایک ہفتہ قبل حملے دوبارہ شروع کر تے ہوئےاس عزم کا اظہار کیا تھا کہ جب تک اسرائیل تباہ شدہ پٹی پر اپنے حملے جاری رکھے گا وہ جواب میں اسرائیل پر حملے جاری رکھیں گے۔
