آئی ایس او لاہور ڈویژن کا 43واں سالانہ سفیران ولایت کنونشن 17 اکتوبر سے شروع ہوگا
شیعہ نیوز (لاہور) امامیہ اسٹوڈنٹس آرگنائزیشن پاکستان لاہور ڈویژن کا 43واں سالانہ سفیران ولایت کنونشن 17 اکتوبر سے شروع ہو گا جو دو روز تک جاری رہے گا۔ دو روزہ کنونشن جعفریہ کالونی میں منعقد ہو گا۔ کنونشن میں لاہور ڈویژن کے تعلیمی اداروں کے طلباء، سینئرز کارکنان اور علماء کرام کی بڑی تعداد شامل ہو گی۔ کنونشن کی صدارت ڈویژنل صدر سجیل شمسی کریں گے جبکہ مہمان خصوصی مرکزی صدر تہور حیدری ہونگے۔ کنونشن میں آئی ایس او کی نظارت کے رکن مولانا احمد اقبال رضوی، مولانا نیاز حسین، مولانا سبطین علوی سمیت سابقہ ڈویژنل صدور شرکت کریں گے۔ کنونشن کے دوسرے روز شہداء ملت کو خراج عقیدت پیش کرنے کے لئے افکار شہداء کانفرنس ہو گی جس میں شہداء کے خانوادگان کو مدعو کیا گیا ہے جبکہ طلباء کو ہائیر ایجوکیشن کی جانب راغب کرنے کے لئے تعمیر ملت بذریعہ تعلیم تعلیمی کانفرنس بھی منعقد ہو گی جس میں تعلیمی ماہرین خصوصی شرکت کریں گے۔ کنونشن کے آخری روز نئے ڈویژنل صدر کا انتخاب اور اعلان ہو گا۔
