جنگ غزہ کے آغاز سے اب تک 43 صیہونی فوجیوں کی خودکشی

شیعہ نیوز: صیہونی حکومت نے اپنے فوجیوں پر جنگ غزہ کے نفسیاتی اثرات کا اعتراف کرتے ہوئے بتایا ہے کہ یہ جنگ شروع ہونے کے بعد 43 اسرائیلی فوجی خودکشی کرچکے ہیں۔

رپورٹ کے مطابق صیہونی ذرائع نے بتایا ہے کہ جنگ غزہ شروع ہونے کے بعد 43 اسرائیلی فوجی نفسیاتی اور ذہنی مسائل کی وجہ سے خودکشی کرچکے ہیں۔

یہ بھی پڑھیں : واشنگٹن میں فلسطین کے حامیوں کا بنجمن نیتن یاھو کی آمد پر احتجاج

اس رپورٹ کے مطابق اسرائیلی فوجیوں میں خودکشی کا رجحان بدستور بڑھتا جارہا ہے۔

اس حوالے سے صیہونی اخبار ہاآتص نے بعض ذرائع کے حوالے سے رپورٹ دی ہے کہ صیہونی فوج کو افرادی قوت کی سخت کمی کا سامنا ہے جس کی وجہ سے وہ نفسیاتی اور ذہنی امراض ميں مبتلا افراد کو بھی ریزرو فورس میں بھرتی کررہی ہے۔