کراچی پولیس کی کارروائی، کالعدم جماعت الاحرار کے 5 تکفیری دہشتگرد گرفتار

شیعہ نیوز ( پاکستانی شیعہ خبر رساں ادارہ )کراچی پولیس اور سی ٹی ڈی نے ککراچی کے علاقے منگھوپیر میں کارروائی کرتے ہوئے کالعدم تکفیری دہشتگرد گروہ جماعت الاحرار کے 5 دہشتگردوں کو گرفتار کر کے بھاری تعداد میں اسلحہ و گولہ بارود برآمد کرلیا۔

زرائع کے مطابق کراچی پولیس اور سی ٹی ڈی نے ایک خفیہ اطلاع ملنے پر منگھو پیر میں کاروائی کرتے ہوئے ملک دشمن، اسلام دشمن کالعدم تکفیری دہشتگرد گروہ جماعت الاحرار کے 5 دہشتگردوں کو گرفتار کرکے اسلحہ و گولہ بارود برآمد کرلیا۔ پولیس ذرائع کے مطابق گرفتار دہشت گردوں محرم الحرام کے موقع پر مجلاس و جلوس ہائے عزاء اور پولیس افسران پر حملوں کی منصوبہ بندی کر رہے تھے۔ گرفتار تکفیری دہشت گردوں کو تفتیش کیلئے نامعلوم مقام پر منتقل کر دیا گیا ہے۔