ہنگو، محرم الحرام کے دوران سیکیورٹی انتظامات، 5 دن کیلئے موٹر سائیکل چلانے پر پابندی عائد

شیعہ نیوز (پاکستانی شیعہ خبر رساں ادارہ)خیبرپختونخوا کے ضلع ہنگو میں محرم الحرام کے موقع پر سیکورٹی خدشات کے پیش نظر 21 اکتوبر سے 26 اکتوبر تک موٹرسائیکل چلانے پرپابندی ہوگی، 22 اکتوبرکو سرکاری ادارے اور سکول بھی بند رہیں گے۔ ہنگو کے ڈسٹرکٹ پولیس افسر شاہ نذر خان کے مطابق محرم الحرام میں سیکورٹی خدشات کے تحت موٹر سائیکل چلانے پر پابندی لگائی گئی ہے، یہ پابندی 21 اکتوبر سے 26 اکتوبر تک برقرار رہے گی۔ ہنگو کے ڈپٹی کمشنر سید مجیب الرحمن نے بتایا کہ ضلع بھر میں 8 محرم کو بڑی تعداد میں سیکیورٹی اہلکار تعیناتی کیے جارہے ہیں اور 8 محرم 22 اکتوبر سرکاری ادارے اور اسکول بند رہیں گے۔ تاہم محکمہ صحت اور محرم میں فرائض سرانجام دینے والے ادارے اس فیصلے سے مستثنیٰ ہوں گے