بہاولپور، ریلوے ٹریک اڑانے کا منصوبہ ناکام، 5 تکفیری دہشت گرد گرفتار
شیعہ نیوز (پاکستانی شیعہ خبر رساں ادارہ )بہاولپور میں سی ٹی ڈی نے دہشت گردی کے بڑے منصوبے کو ناکام بنا دیا۔ کالعدم تنظیم تحریک طالبان کے 5 تکفیری دہشت گردوں کو گرفتار کو ستلج پل سے 5 بم، اسلحہ اور بارودی مواد برآمد کر لیا۔،تکفیری دہشت گرد ریلوے ٹریک پر مسافر ٹرین کو نشانہ بنانا چاہتے تھے۔
زرائع کے مطابق سی ٹی ڈی نے گرفتار تکفیری دہشتگرد کی نشاندہی اور ایک خفیہ اطلاع ملنے پر ستلج پل کے قریب کاروائی کرکے ملک دشمن، اسلام دشمن کالعدم تکفیری دہشتگرد گروہ تحریک طالبان پاکستان کے 5 تکفیری دہشتگردوں کو گرفتار کرکے بم،اسلحہ اور دیگر گولہ بارود برآمد کرلیا۔ اطلاعات کے مطابق سی ٹی ڈی نے گرفتار تکفیری دہشت گرد کی نشاندہی پر کارروائی کر کے دہشت گردی کے اس بڑے منصوبے کو ناکام بنایا ۔
سی ٹی ڈی زرائع کے مطابق دریائے ستلج کے شمالی پل کے قریب سے گرفتار ہونے ملک دشمن، اسلام دشمن کالعدم تکفیری دہشتگرد گروہ تحریک طالبان پاکستان کے 5 تکفیری دہشت گردوں کی شناخت نعمان، عثمان، سکندر، محبوب اور حمید کے ناموں سے ہوئی۔گرفتار ہونے والے تکفیری دہشتگردوں کے قبضے سے 5 بم سمیت بڑی تعداد میں بارودی مواد بھی برآمد ہوا ہے۔ گرفتار تکفیری دہشت ریلوے ٹریک پر مسافر ٹرین کو نشانہ بنانا چاہتے تھے۔ گرفتار دہشت گردوں کو مزید تفتیش کیلئے نامعلوم مقام پر منتقل کر دیا۔
