کراچی،رینجرز کی کاروائی، وزیرستان میں 50 فوجی جوانوں کو شہید کرنیوالے 3 تکفیری دہشتگرد ہلاک
شیعہ نیوز (پاکستانی شیعہ خبر رساں ادارہ)کراچی کے علاقےمنگھو پیر میں رینجرز نے کاروائی کرتے ہوئے انتہائی مطلوب ۳ تکفیری دہشتگردوں کو واصلِ جہنم کردیا۔ترجمان سندہ رینجرز کے مطابق وزیرستان سے فرار ہونے والے تکفیری دہشتگردوں کی کراچی کے علاقے منگھوپیر موجودگی کے حوالے سے انٹیلی جنس اطلاعات کی بنا پر ٹارگٹڈ کارروائی کی گئی جہاں تکفیری دہشت گردوں کے مشتبہ ٹھکانوں پر چھاپہ مارا گیا تو علاقے میں موجودتکفیری دہشت گردوں نےرینجرز اہلکاروں پر فائرنگ کردی جس کے نتیجے میں رینجرز کی جانب سےبھرپور جوابی کارروائی کی گئی۔رینجرز کی جوابی کاروائی کے نتیجے میں انتہائی مطلوب ۳ تکفیری دہشتگرد واصلِ جہنم ہوگئے۔
ترجمان کے مطابق رینجرز اور تکفیری دہشت گردوں کے درمیان دوطرفہ فائرنگ کا تبادلہ کافی دیر جاری رہا جس میں رینجرز کی بھرپور کارروائی کے نتیجے میں 3 تکفیری دہشت گرد ہلاک ہوگئے جن کی لاشوں کو تحویل میں لے لیا گیا ہے۔ ترجمان رینجرز نے بتایا کہ ہلاک تکفیری دہشت گرد جنوبی وزیرستان میں 50 فوجی جوانوں کو شہید کرنے کے علاوہ رزمک کیڈٹ کالج پر حملے اور مقامی قبائلی باشندوں کو نشانہ بنانے اور کراچی میں 12 سے زائد پولیس افسران و اہلکاروں کے قتل میں بھی ملوث تھے۔ترجمان سندہ رینجرز نے انتہائی مطلوب تکفیری دہشتگردوں کی ہلاکت کو ایک اہم کامیابی قرار دیتے ہوئے تکفیری دہشتگردوں کے خلاف کاروائی میں حصہ لینے والے رینجرز کے افسروں اور جوانوں کو تکفیری دہشتگردی کے خاتمے کے لئے جاری آپریشن ایک انتہائی اہم کامیابی حاصل کرنے پر مبارکباد پیش کی ہے
