پاک فوج اور سیکیورٹی اداروں کا پشاور کے مختلف علاقوں میں کومبنگ آپریشن، 58 افراد گرفتار، اسلحہ و بارود برآمد

شیعہ نیوز ( پاکستانی شیعہ خبر رساں ادارہ ) پاک فوج اور سیکیورٹی اداروں نے پشاور کے مختلف علاقوں میں کومبنگ آپریشن کے دوران 5 افغانیوں سمیت 58 مشتبہ افراد کو گرفتار کر کے بڑی تعداد میں اسلحہ، بارود اور منشیات برآمد کر لی ہیں، پاک فوج کے تعلقات عامہ کے ادارے (آئی ایس پی آر) کی جانب سے جاری ہونے والے بیان میں بتایا گیا ہے کہ پاک فوج اور سیکیورٹی فورسز نے شاہین ٹاﺅن، وارسک روڈ، دلہ زاک اور پکا غلام کے علاقوں میں کومبنگ آپریشن کیا جس دوران 5 افغان شہریوں سمیت 58 مشتبہ افراد کو حراست میں لے کر بڑی تعداد میں اسلحہ، باروڈ اور منشیات برآمد کر لی ہیں۔