کوئٹہ میں کالعدم سپاہِ صحابہ کے دہشتگردوں کا ایف سی کی گاڑی پر بم حملہ، 6 اہلکار زخمی
شیعہ نیوز ( پاکستانی شیعہ خبر رساں ادارہ )کوئٹہ میں کالعدم تکفیری سپاہِ صحابہ کے دہشتگردوں کیجانب سے مغربی بائی پاس پر ایف سی کی گاڑی پر بم حملے کے نتیجے میں 6 اہلکار زخمی ہوگئے ہیں۔
ترجمان ایف سی کے مطابق اہلکار ٹریننگ کے لئے فائرنگ رینج پر جارہے تھے کہ کالعدم سپاہِ صحابہ کے دہشتگردوں کی جانب مغربی بائی پاس پر زیر زمین پہلے سے نصب دھماکا خیز مواد پھٹ گیا جس سے ایف سی کی گاڑی کو شدید نقصان پہنچا اور گاڑی میں موجود ایف سی کے 6 اہلکار زخمی ہوگئے، زخمی اہلکاروں کی شناخت نائک لطیف، نائب صوبیدار محمد شفیع، سپاہی سیف الرحمان، سپاہی قائم خان، حوالداراول الرحمان اور سپاہی رضا الرحمان سے ہوئی ہے۔
ایف سی حکام کا کہنا ہے کہ زخمیوں کو فوری طور پر سی ایم ایچ کوئٹہ منتقل کردیا گیا ہے اور جائے وقوعہ پر بم ڈسپوزل اسکواڈ بھی پہنچ گیا ہے جبکہ سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔
