کراچی میں ٹارگٹ کلرز اور کالعدم تنظیم کے دہشتگردوں سمیت 6 ملزمان گرفتار

شیعہ نیوز (پاکستانی شیعہ خبر رساں ادارہ)شہر قائد کے مختلف علاقوں میں کارروائیوں کے دوران رینجرز نے 6 دہشتگردوں کو گرفتار کرلیا، جن کے قبضے سے اسلحہ بھی برآمد کیا گیا۔ ترجمان سندھ رینجرز کے مطابق کراچی کے علاقوں گلستان جوہر، پٹیل پاڑہ، سہراب گوٹھ، خادم گوٹھ اور صفورا گوٹھ میں خفیہ اطلاع پر کارروائیوں کے دوران 6 تکفیری دہشتگردوں کو گرفتار کرلیا گیا، جن میں ٹارگٹ کلرز اور کالعدم تکفیری دہشتگرد تنظیم سپاہ صحابہ (اہلسنت و الجماعت)کے دہشتگرد بھی شامل ہیں۔ ترجمان کا کہنا ہے کہ تکفیری دہشتگردوں کے قبضے سے اسلحہ، لیب ٹاپ اور موبائل سمیں برآمد کی گئیں، جبکہ دہشتگردوں سے مزید تفتیش جاری ہے