لاہور، علامہ اقبال ٹائون میں خودکش حملہ ،71 افراد شھید سینکڑوں زخمی

شیعہ نیوز (پاکستانی شیعہ خبر رساں ادارہ ) لاہور کے علاقے گلشنِ اقبال ٹائون میں واقع پارک میں تکفیری دہشتگرد کے خود کش حملے میں 71 افراد شھید اور تین سو سے ذائد افراد زخمی ہوگئے

ذرائع کے مطابق لاہور کے علاقے گلشنِ اقبال ٹائون میں واقع گلشن اقبال پارک کےگیٹ نمبر ایک پر ملک دشمن اسلام دشمن کالعدم تکفیری دہشتگرد گروہ سپاہِ صحابہ (اہلسنت و الجماعت) کے تکفیری دہشتگرد خودکش حملہ آور نے دھماکہ کیا کہ جس میں معصوم بچوں اور خواتین سمیت 71 افراد شھید اور 300 سے ذائد افراد زخمی ہوگئے جن کو لاہور کے مختلف اسپتالوں میں منتقل کردیا گیا۔اطلاعات کے مطابق اتوار کے روز پارک میں کثیر تعداد میں بچے اور خواتین موجود تھیں۔شھید ہونے افراد میں ذیادہ تعداد معصوم بچوں اور خواتین کی بتائی جارہی ہے کہ جبکہ زخمی افراد میں کئی کی حالت نازک ہے جس کی وجہ سے شھادتوں میں اضافے کا خدشہ ظاہر کیا جارہا ہے۔

لاہو کے علاقے گلشنِ اقبال ٹائون میں کالعدم تکفیری دہشتگرد گروہ سپاہِ صحابہ (اہلسنت و الجماعت) کے تکفیری دہشتگرد کی جانب سے خودکش حملہ میں 71 افراد کی شھادت کے بعد پورے ملک میں سوگ کی فضاء قائم ہوگئی ہے۔گلشنِ اقبال پارک میں تکفیری دہشتگرد کے خودکش حملے میں جہاں سینکڑوں افراد شھید ہوئے وہیں سانگھڑ سے تعلق رکھنے والے ایک ہی خاندان کے سات افراد بھی شھید ہوئے۔، دھماکے میں شھید ہونیوالے سانگھڑ کی کمسن ثمینہ کے والد فیض محمد ، کمسن بھائی شیراز اور ماموں شانی بھی شھید ہو گئے ہیں جبکہ خودکش دھماکے کے بعدسے ثمینہ کی ماں ابھی تک لاپتہ ہے،ثمینہ کے میزبان امجد ، اس کی بیوی زبیدہ اور بیٹی بھی شھید ہو گئی ہیں