ڈی جی خان قرنطینہ سے 739زائرین کورونا وائرس سے کلیئرقرار، گھرروانہ

شیعہ نیوز (پاکستانی شیعہ خبر رساں ادارہ) ڈیرہ غازی خان قرنطینہ سینٹرمیں مقیم813 میں سے 739زائرین کورونا وائرس سے کلیئرقرار دیئے جانے کے بعد گھرروانہ کردیئے گئے۔

تفصیلات کے مطابق ایران اور عراق سے واپس آنے والے 813زائرین جنہیں تفتان بارڈر سے ڈی جی خان میں قائم قرنطینہ سینٹر میں منتقل کیا گیا تھا ان میں سے 739زائرین کو کورونا ٹیسٹ منفی آنے پر گھر وں کو روانہ کردیا گیاہے۔

اس وقت ڈیرہ غازی خان کے قرنطینہ سینٹرمیں کل 74 زائرین باقی بچے ہیں جن کے آج سیمپل لیئے جائیں گے ان میں سے ٹیسٹ منفی آنے والے زائرین کو بھی گھر روانہ کردیا جائے گا۔

واضح رہے کہ زیارات مقامات مقدسہ سے واپس آنے والے ہزاروں نے تفتان بارڈر سے لیکر اپنے اپنے گھروں تک پہنچنے کیلئے سخت مشکلات اور مصائب کا سامنا کیا ہے ۔

تفتان بارڈر پر 20سے 23 دن اور پھر صوبائی قرنطینہ سینٹرز میں 14سے 18دن مزید طویل اور ازیت ناک قیام کی بدولت الحمد اللہ زائرین کی وجہ سے کسی ایک پاکستانی شہری کے بھی کورونا میں مبتلا ہونے کی کوئی اطلاع موصول نہیں ہوئی ۔