پٹ فیڈر میں فورسز کی کارروائی، 8 مسلح افراد ہلاک

شیعہ نیوز(جعفر آباد) بلوچستان اور سندھ کے سرحدی علاقے پٹ فیڈر میں ایف سی اور سندھ رینجرز کی مشترکہ کارروائی اور فائرنگ کے تبادلے میں 8 مسلح افراد ہلاک جبکہ ایف سی کے 3 اہلکار زخمی ہوگئے ہیں۔ ترجمان ایف سی بلوچستان کے مطابق فرنٹئیر کور اور سندھ رینجرز نے پٹ فیڈر کی بھٹائی کالونی میں مسلح افراد کی موجودگی پر مشترکہ کارروائی کی۔ اس دوران فائرنگ کے تبادلے میں 8 مسلح افراد ہلاک ہوگئے جبکہ مسلح افراد کی فائرنگ سے ایف سی کے 3 اہلکار زخمی ہوئے۔ جنہیں طبی امداد کیلئے پنوں عاقل سے سی ایم ایچ منتقل کردیا گیا، ترجمان ایف سی نے مطابق کارروائی کے دوران چند مسلح افراد کو گرفتار بھی کیا گیا ہے۔