سی ٹی ڈی کی لاہور میں کارروائی، عالمی تکفیری دہشتگرد گروہ داعش کا کمانڈرسمیت 8 دہشت گرد گرفتار

شیعہ نیوز ( پاکستانی شیعہ خبر رساں ادارہ ) سی ٹی ڈی کی جانب سے لاہور میں بڑی کارروائی کی گئی ہے جس میں عالمی تکفیری دہشتگرد داعش کا ایک بڑا گروہ پکڑا گیا ہے۔ سی ٹی ڈی ذرائع کے مطابق گروہ کے سرغنہ نبیل ابی عبداللہ سمیت 8 دہشت گردوں کو گرفتار کیا گیا ہے۔ ذرائع کے مطابق لاہور سے پکڑا جانیوالا یہ گروہ شہریوں کو شام اور افغانستان بھجواتا تھا۔

سی ٹی ڈی دہشت گردوں کا نیٹ ورک سوشل میڈیا کے ذریعے لوگوں کو ورغلاتا تھا۔ انہیں شام سے براہ راست لیکچر دیئے جاتے تھے۔ پکڑا جانیوالا سرغنہ نبیل ابی عبداللہ کا تعلق لاہور سے ہے ہے 8 افراد کو لے کر شام جانے کی تیاری کر رہا تھا۔ ملزمان کے قبضے سے لیپ ٹاپ، موبائل فون اور داعش کا لٹریچر برآمد کر کے تھانہ سی ٹی ڈی لاہور میں مقدمہ درج کر لیا گیا ہے۔ سی ٹی ڈی نے ملزمان کو تفتیش کیلئے نامعلوم مقام پر منتقل کر دیا ہے۔