شیخوپورہ میں سی ٹی ڈی کی کارروائی، 9 تکفیری دہشتگرد جہنم واصل اور5 فرار

شیعہ نیوز ( پاکستانی شیعہ خبر رساں ادارہ)کاؤنٹر ٹیررازم ڈیپارٹمنٹ نے شیخوپورہ میں کارروائی کرتے ہوئے 9 تکفیری دہشتگردوں کو واصلِ جہنم کردیا، جبکہ دیگر 5 دہشتگرد فرار ہونے میں کامیاب ہوگئے۔

زرائع کے مطابق سی ٹی ٹی نے خفیہ اطلاع پر شیخوپورہ کے علاقے خیرو دی ملیاں کے قریب کارروائی کی تو وہاں موجود تکفیری دہشتگردوں نے سی ٹی ڈی اہلکاروں پر فائرنگ کردی تاہم دو طرفہ فائرنگ کے تبادلے میں 9 تکفیری دہشت گرد واصلِ جہنم اور 5 فرار ہوگئے۔ سی ٹی دی کے مطابق مارے جانے والےتکفیری دہشتگردوں کے قبضے سے 6 کلو بارود، 4 کلاشنکوف، 5 موٹرسائیکلیں اور دیگر اسلحہ بھی برآمد ہوا ہے۔سی ٹی ڈی زرائع کے مطابق جہنم واصل ہونے والے تکفیری دہشت گردوں کا تعلق عالمی دہشتگرد گروہ القاعدہ سے تھا جب کہ فرار ہونے والے تکفیری دہشتگردوں کی گرفتاری کے لئے علاقے کی ناکہ بندی کرتے ہوئے سرچ آپریشن شروع کردیا گیا ہے۔