کراچی :سی ٹی ڈی کی کارروائی، کلعدم تحریک طالبان کے کارندوں سمیت 9 ملزم گرفتار

شیعہ نیوز ( پاکستانی شیعہ خبر رساں ادارہ ) کراچی کے مختلف علاقوں میں قانون نافذ کرنے والے اداروں نے کارروائی کرکے کالعدم جماعت کے کارندوں سمیت 9 ملزمان کو گرفتار کرلیا۔ کراچی کے علاقے اورنگی ٹائون اسلام چوک کے قریب کاؤنٹر ٹیررازم ڈیپارٹمنٹ نے کارروائی کر کے 2 دہشتگردوں کو گرفتار کرلیا، انچارج سی ٹی ڈی کے مطابق گرفتار دہشتگرد نیک دین اور محمد اکبر کا تعلق کالعدم تحریک طالبان پاکستان اور لشکر جھنگوی سے ہے ، وہ شہر میں آستانوں پر فائرنگ سمیت تخریب کاری کی سینکڑوں وارداتوں میں ملوث ہیں۔ دوسری جانب ملیر ماڈل کالونی میں پولیس نے کارروائی کرکے 7 افراد کو حراست میں لے لیا ۔ پولیس کے مطابق زیر حراست افراد سے اسلحہ اور مسروقہ موٹر سائیکل برآمد کرلی گئی۔