رینجرز کو 90 روز تحویل میں رکھنے کی اجازت دینے کا اختیار نہیں، مراد علی شاہ

شیعہ نیوز ( پاکستانی شیعہ خبر رساں ادارہ)وزیراعلیٰ سندھ سید مراد علی شاہ کا کہنا ہے کہ سندھ رینجرز کو 90 روز تک تحویل میں رکھنے کی اجازت دینے کا اختیار نہیں۔

زرائع کے مطابق کراچی میں اپنی سالگرہ کے موقع پر وزیراعلیٰ سندھ سید مراد علی شاہ نے چرچ اور مندر کا دورہ کیا، اس موقع پر میڈیا سے گفتگو کرتے ہوئے وزیراعلیٰ سندھ کا کہنا تھا کہ ہم سب مل کر دہشتگردی کو جڑ سے اکھاڑ پھینکیں گے۔ ان کا کہنا تھا کہ رینجرز کو 90 دن تحویل میں رکھنے کی اجازت دینے کا اختیار نہیں۔ وزیراعلیٰ سندھ کا کہنا تھا کہ پیپلز پارٹی نے ہمیشہ اقلیتوں کے حقوق کے لئے آواز اٹھائی، کوشش کریں گے کہ اقلیتوں کے مسائل حل کئے جائیں۔