کراچی؛گلستان جوہر میں پولیس کا سرچ آپریشن، 99مشکوک افراد زیر حراست

شیعہ نیوز(کراچی) کراچی کے علاقے گلستان جوہر میں پولیس نے سرچ آپریشن کے دوران 99 مشکوک افراد کو حراست میں لے لیا، آپریشن میں ریپڈ رسپانس فورس نے بھی حصہ لیا،گلستان جوہر کے علاقے مدھو گوٹھ میں پولیس کی بھاری نفری نے علاقے کامحاصرہ آپریشن کیا،آپریشن میں مختلف تھانوں کی پولیس سمیت ریپڈ رسپانس فورس نے بھی حصہ لیا،ایس پی گلشن تنویر حسین تنیو کے مطابق آپریشن یونیورسٹی روڈ پر اسٹریٹ کرائمز کی وارداتوں میں ملوث ملزمان کی موجود گی کی اطلاع پر کیا گیا،ایس پی گلشن کے مطابق چند مہینے قبل اسی علاقے میں لینڈ مافیا سے مقابلے میں ڈی ایس پی اور اے ایس آئی کی شہادت کے بعد یہ پہلا آپریشن ہے۔کراچی میں ٹارگٹ کلنگ کی لہر میں اچانک آنے والی تیزی کے بعد گلستان جوہر میں پولیس نے سرچ آپریشن کرتے ہوئے 99مشتبہ افراد کو حراست میں لے لیا ہے گلستان جوہر کے علاقے عیدو گوٹھ میں رات گئے پولیس نے سرچ آپریشن کیا آپریشن میں پولیس کے 200اہلکاروں نے حصہ لیا۔ آپریشن میں ولاقے کے داخلی اور خارجی راستوں کو بند کرنے کے بعد پولیس نے99 مشتبہ افراد کو حراست میں لے لیا ہے۔۔ایس پی گلشن اقبال تنویر تونیو کے مطابق ملزمان کے قبضے سے اسلحہ بھی برآمد کرلیا گیا ہے۔ دوسری جانب رات گئے سرجانی ٹاؤن کے علاقے میں نامعلوم افراد کی فائرنگ سے ایک شخص ہلاک ہوگیا جبکہ ایف بی ایریا میں نامعلوم افراد کی فائرنگ سے ایک شخص جان کی بازی ہار گیا